Thursday, January 4, 2007

'വ്യഭിചാര ദേശസാല്‍ക്കരണ നിയമം പ്രാബല്യത്തില്‍'

New Delhi Times


കൗതുക വാര്‍ത്ത 2032


'വ്യഭിചാര ദേശസാല്‍ക്കരണ നിയമം പ്രാബല്യത്തില്‍'




ന്യൂഡല്‍ഹി : വിവാദവിഷയമായ 'വ്യഭിചാര ദേശസാല്‍ക്കരണ നിയമം' രാഷ്ട്രപതി അന്തിമമായി ഒപ്പുവെച്ചു. ഇതോടെ ദീര്‍ഘകാലമായി പരിഗണിക്കപ്പെടാതെ സമൂഹത്തിന്റെ അടിത്തട്ടില്‍ ഉപേക്ഷിക്കപ്പെട്ടിരുന്ന സ്ത്രീജനങ്ങളുടെ വമ്പിച്ച ഉയിര്‍ത്തെഴുന്നേല്‍പ്പിന്റെ പുതിയ യുഗം ഉദയംകൊള്ളുമെന്നും, അതിലൂടെ ഈ ദശാബ്ദത്തില്‍ത്തന്നെ ഭാരതം അതിന്റെ പുരോഗതിയില്‍ പുതിയ നാഴികക്കല്ലുകള്‍ സൃഷ്ടിക്കുമെന്നും പ്രധാനമന്ത്രി പ്രസ്താവിച്ചു. പ്രസ്തുത നിയമം പ്രാബല്യത്തില്‍ വരുന്നതോടെ രാജ്യത്തെ കാല്‍ക്കോടിയിലധികം കുടുംബങ്ങള്‍ക്ക്‌ നേരിട്ടും അതിലേറെ കുടുംബങ്ങള്‍ക്ക്‌ പരോക്ഷമായും തൊഴില്‍ ലഭ്യത ഉറപ്പുവരുത്താനാവുമെന്ന്‌ പ്രധാനമന്ത്രി കൂട്ടിച്ചേര്‍ത്തു.

കാല്‍നൂറ്റാണ്ടായി ഭാരതീയ സമൂഹം കൂലംകഷമായി ചര്‍ച്ച ചെയ്തുവരുകയായിരുന്ന 'വ്യഭിചാര ദേശസാല്‍ക്കരണ നിയമം' ശബ്ദായമാനമായ തര്‍ക്കങ്ങള്‍ക്കൊടുവില്‍ ഏക വനിതാ അംഗത്തിന്റെ എതിര്‍പ്പോടുകൂടിയാണ്‌ ലോക്‍സഭ 'ഏകകണ്ഠമായി' കഴിഞ്ഞയാഴ്ച പാസാക്കിയത്‌. 'ഭാരതീയ സംസ്കൃതിയുടെ ഈ നവോത്ഥാന നിമിഷത്തില്‍ താന്‍ ഹര്‍ഷപുളകിതനായിട്ടാണ്‌ ഈ ബില്ലില്‍ ഒപ്പുവെയ്ക്കുന്നതെന്ന്‌' തന്റെ നവവല്‍സര സന്ദേശത്തില്‍ രാഷ്ട്രപതി പറഞ്ഞു. ലിംഗഭേദമെന്യേ കൂടുതല്‍ ചെറുപ്പക്കാര്‍ക്കും കുടുംബിനികള്‍ക്കും ഉപകാരപ്രദമായ നിലയില്‍ രാജ്യമൊട്ടാകെ തികച്ചും സുരക്ഷിതമായ 'ഉല്ലാസകേന്ദ്രങ്ങള്‍' തുറക്കുമെന്നും, ഇവ പൊതുമേഖലയിലും സ്വകാര്യമേഖലയിലും മാത്രമല്ല, വിദേശരാഷ്ട്രങ്ങളുടെ ഫോര്‍മുലകളോടെയുള്ള സംയുക്തസംരംഭങ്ങളിലൂടെയും നടപ്പാക്കുമെന്ന്‌ സാമൂഹ്യ-കുടുംബക്ഷേമ വകുപ്പുമന്ത്രി തന്റെ വാര്‍ത്താസമ്മേളനത്തില്‍ പറഞ്ഞു. ഇതിലേക്കായി സൗജന്യ സേവനദാതാക്കാളായി എല്ലാ രാഷ്ട്രീയ യുവജനസംഘടനകളുടെയും സന്നദ്ധപ്രവര്‍ത്തകരുടെയും ഒരു 'ക്രാന്തിസേന'യെ സര്‍ക്കാര്‍ ചെലവില്‍ പരിപാലിക്കും. സേവനം ആവശ്യമുള്ള ഒരാള്‍ക്കുപോലും കാലതാമസമോ മനോദുഃഖമോ ഉണ്ടാകാത്തവിധം 'മൂല്യാനുസൃത സേവനം' ഇതിലൂടെ സര്‍ക്കാര്‍ ലക്ഷ്യമാക്കുന്നു.

സ്‌കൂള്‍തലം മുതല്‍ മികച്ച പരിശീലനം എല്ലാ കുട്ടികള്‍ക്കും ലഭ്യമാക്കുവാനും, കഴിവുകള്‍ തെളിയിക്കപ്പെടുന്നവരുടെ നിലവാരാടിസ്ഥാനത്തില്‍ 'ഡയമണ്‍ഡ്‌', 'ഗോള്‍ഡന്‍', 'സില്‍വര്‍' എന്നിങ്ങനെയുള്ള മൂന്നുതരം ഗ്രേഡുകള്‍ നിശ്ചയിക്കുമെന്നും അദ്ദേഹം കൂട്ടിച്ചേര്‍ത്തു. വിവിധ വിദേശരാജ്യങ്ങളിലെ ഈ രംഗത്തെ വിദഗ്ദ്ധസംഘങ്ങളുടെ സേവനം പ്രയോജനപ്പെടുത്താനും അതിലൂടെ ഒരു 'ന്യൂ ലിബറലൈസ്‌ഡ്‌ കള്‍ച്ചറല്‍ റെവല്യൂഷന്‍' സാധ്യമാക്കാനും പദ്ധതിയുണ്ടെന്ന്‌ മന്ത്രിസഭയിലെ ഏക വനിതാംഗമായ ശ്രീമതി വാസവ ദത്ത്‌ ഊന്നിപ്പറഞ്ഞു.

ഈ ബില്ലില്‍ പ്രതിഷേധിച്ച്‌ പര്‍ലമെന്റിനു മുമ്പില്‍ ആത്മഹൂതി നടത്താന്‍ ശ്രമിച്ച നിത്യയെന്ന മലയാളി സ്ത്രീയെ പോലീസ്‌ അറസ്റ്റുചെയ്തു. ഇവരുടെ മാനസികനിലയില്‍ തകരാറുള്ളതായി കണ്ടെത്തിയതായി പൂനെയിലെ ഒരു സ്വകാര്യ ചികില്‍സാലയത്തിലെ മനശ്‌ശാസ്‌ത്രജ്ഞന്റെ വാക്കുകളുദ്ധരിച്ച്‌ സായാഹ്നപത്രങ്ങള്‍ റിപ്പോര്‍ട്ട്‌ ചെയ്തു. കാല്‍നൂറ്റാണ്ടിനു മുമ്പ്‌ തന്റെ 'ബ്ലോഗി'-ലൂടെ അപരിഷ്‌കൃതവും അറപ്പുതോന്നുന്നതുമായ 'സദാചാര സമസ്യകള്‍' വിളമ്പി അക്കാലത്തെ ചില കുലദൈവങ്ങളുടെ 'ലൈംഗികവും' 'പാനിക്കും' ആയ ആക്ഷേപ-ഇസങ്ങളുടെയും വാദമുഖങ്ങളുടെയും മുന്നില്‍ (നാണംകെട്ട്‌) 'തോറ്റ്‌തുന്നംപാടി' അപ്രത്യക്ഷയായ ഈ സ്ത്രീ ഇപ്പോള്‍ ഏതോ ഭ്രാന്താശുപത്രിയില്‍നിന്ന്‌ പുറത്തിറങ്ങിയതാവാമെന്ന്‌ ഞങ്ങളുടെ തലസ്ഥാന ബ്യൂറോ അനുമാനിക്കുന്നു.

ഇത്തരം ഒറ്റപ്പെട്ട ഭീകരവാദപ്രവര്‍ത്തനങ്ങള്‍ കൊണ്ട്‌ സര്‍ക്കാരിന്റെ ലക്ഷ്യബോധത്തെയും പുരോഗമനനടപടികളെയും തകര്‍ക്കാമെന്നത്‌ വെറും വ്യാമോഹം മാത്രമാണെന്ന്‌ ആഭ്യന്തരമന്ത്രി പ്രതികരിച്ചു. എന്നാല്‍ ഒരു വനിതയെന്ന നിലയില്‍ ആത്മാഹൂതിശ്രമത്തൊട്‌ താങ്കള്‍ എങ്ങനെ പ്രതികരിക്കുന്നു എന്ന ചോദ്യത്തിന്‌ 'താന്‍ വനിതകളുടെ മാത്രം മന്ത്രിയല്ലെന്നും, താനൊഴികെ മന്ത്രിസഭയിലെ മറ്റുള്ളവരെല്ലം പുരുഷന്മാരാണെന്നോര്‍ക്കാതെ പ്രതികരിക്കുന്നത്‌ ഉചിതമാവില്ലെന്നും' ശ്രീമതി വാസവ്‌ ദത്ത അഭിപ്രായപ്പെട്ടു.

=====

54 comments:

നിത്യ said...

ലിംഗഭേദമെന്യേ കൂടുതല്‍ ചെറുപ്പക്കാര്‍ക്കും കുടുംബിനികള്‍ക്കും ഉപകാരപ്രദമായ നിലയില്‍ രാജ്യമൊട്ടാകെ തികച്ചും സുരക്ഷിതമായ 'ഉല്ലാസകേന്ദ്രങ്ങള്‍' തുറക്കുമെന്നും, ഇവ പൊതുമേഖലയിലും സ്വകാര്യമേഖലയിലും മാത്രമല്ല, വിദേശരാഷ്ട്രങ്ങളുടെ ഫോര്‍മുലകളോടെയുള്ള സംയുക്തസംരംഭങ്ങളിലൂടെയും നടപ്പാക്കുമെന്ന്‌ സാമൂഹ്യ-കുടുംബക്ഷേമ വകുപ്പുമന്ത്രി തന്റെ വാര്‍ത്താസമ്മേളനത്തില്‍ പറഞ്ഞു. ഇതിലേക്കായി സൗജന്യ സേവനദാതാക്കാളായി എല്ലാ രാഷ്ട്രീയ യുവജനസംഘടനകളുടെയും സന്നദ്ധപ്രവര്‍ത്തകരുടെയും ഒരു 'ക്രാന്തിസേന'യെ സര്‍ക്കാര്‍ ചെലവില്‍ പരിപാലിക്കും. സേവനം ആവശ്യമുള്ള ഒരാള്‍ക്കുപോലും കാലതാമസമോ മനോദുഃഖമോ ഉണ്ടാകാത്തവിധം 'മൂല്യാനുസൃത സേവനം' ഇതിലൂടെ സര്‍ക്കാര്‍ ലക്ഷ്യമാക്കുന്നു.

സുല്‍ | Sul said...

പുതുവര്‍ഷത്തില്‍ എന്തു പറ്റി നിത്യേ. പിരിമുറുകിയതോ അയഞ്ഞതോ?

എതായാലും പൊട്ടാത്ത ഒരു പൊട്ടത്തേങ്ങ ഇവിടെയിട്ടു പോണു. 2030 ലെങ്കിലും ഇതു പൊട്ടിക്കാന്‍ നിത്യക്കു കഴിഞ്ഞാല്‍, നിത്യക്ക് നിത്യചികിത്സകൊണ്ട് ഫലമുണ്ടാവും. ഒന്നു പരീക്ഷിച്ചു നോക്ക്. ദാ തേങ്ങ എടുത്തോ...

-സുല്‍

പൊന്നപ്പന്‍ - the Alien said...

നിത്യ,
കഴിഞ്ഞ പോസ്റ്റിനു ലഭിച്ച എന്റേതുള്‍പ്പെടെയുള്ള കമന്റുകളില്‍ നിന്നാണു ഈ പോസ്റ്റ് ഉത്ഭവിച്ചതെന്ന് ഞാന്‍ ഊഹിക്കുന്നു. വ്യഭിചാരമല്ല ഇപ്പോഴെന്റെ വിഷയം. അതു സമൂഹവും, മതങ്ങളും, വ്യക്തിബന്ധങ്ങളും, പരിസരങ്ങളും, രാഷ്ട്രീയവും ഒക്കെ ഇടപെടുന്ന വളരെ കോംപ്ലിക്കേറ്റഡ് ആയ ഒരു വിഷയമാണ്. തെറ്റെന്നോ ശരിയെന്നോ അതിനെ നിര്‍വചിക്കാനും എനിക്കറിയില്ല. കാരണം എന്റെ തന്നെ മാനകങ്ങള്‍ വച്ച് അത് ഒരേ സമയം തെറ്റും ശരിയും കുറ്റവും ശിക്ഷയും നീതിയും അനീതിയും ഒക്കെയാവാറുണ്ട്. ഒന്നു മാത്രം ഉറപ്പിച്ചു പറയാം. സദാചാരം എന്ന വളരെ ഇടുങ്ങിയ ഒരു കണ്‍സെപ്റ്റിനുള്ളില്‍ നിന്നു കൊണ്ടു സംസാരിക്കപ്പെടേണ്ട ഒന്നല്ല അത്.
ഇപ്പോ പറയാനുള്ളത് മറ്റൊന്നാണ്.. വളരെ നിയന്ത്രിതമായ ഭാഷയില്‍ സ്വന്തം അഭിപ്രായങ്ങള്‍ അവതരിപ്പിച്ചിരുന്ന നിത്യയുടെ ഈ സറ്റയര്‍ എന്നെ നിരാശപ്പെടുത്തി എന്ന ലളിതമായ സത്യം. ഈ ഭാഷ ഒഴുകുന്നതല്ല.. കെട്ടിക്കിടക്കുന്നതാണ്. മറ്റു കാഴ്ച്ചപ്പാടുകള്‍, അതെന്തായാലും എത്ര വലുതോ ചെറുതോ ആയാലും ചുരുങ്ങിയത് കേള്‍ക്കാനുള്ള ഒരു തുറന്ന മനസ്സ് ഇതില്‍ കാണാന്‍ കഴിയുന്നില്ല. നിത്യ യുടെ പേര്‍ നിത്യയെന്നായതു കൊണ്ടും യതിയെ ആദ്യ പോസ്റ്റിലൂടെ ഓര്‍മിപ്പിച്ചതു കൊണ്ടു കൂടിയുമാണു ഈ കമന്റ്.

നിത്യ said...

ചുറ്റിലും നോക്കിയാല്‍ പലരുടെയും പലതിന്റെയും പിരി ഒന്നുകില്‍ മുറുകിയോ അല്ലെങ്കില്‍ അയഞ്ഞോ കാണാന്‍ പറ്റും സുലേ. കൂട്ടത്തില്‍ എനിക്കും എന്ന്‌ കരുതിയാല്‍ മതി. തല്‍ക്കാലം മുറുക്കാനുള്ള മനസ്സില്ല. അയഞ്ഞുകൊടുക്കാനുള്ള അയുക്തിയുമില്ല.

chithrakaran:ചിത്രകാരന്‍ said...

നിത്യാ,വളരെ നന്നായിരിക്കുന്നു. മുപ്പതുവര്‍ഷത്തിനു മുന്‍പുതന്നെ, ദെശസല്‍ക്കരിച്ചില്ലെങ്കിലും ഈ അവസ്ഥയാകാനിടയുണ്ട്‌. ആത്മഹത്യാനാടകമൊന്നും നല്ലതല്ലകെട്ടോ... നാടിന്റെ പ്രശ്നങ്ങള്‍ക്ക്‌ വ്യക്ത്തിയുടെ ആത്മഹത്യ പരിഹാരമായി കാണാന്മാത്രം കാല്‍പ്പനികമല്ല നിത്യയുടെ മനസെന്നാണ്‌ മനസിലാക്കാനായത്‌.
ഇതൊന്നും സ്ത്രീയുടെ മാത്രം പ്രശ്നമല്ല .... സമൂഹജീവിയായ മനുക്ഷ്യന്റെ യാത്രയിലെ ദുര്‍ഘടം പിടിച്ച കാലമെന്ന വഴിയുടെ പ്രശ്നമാണ്‌.

നിത്യ said...

'ക്ഷമിക്കണം' എന്ന വാക്ക്‌ ഉപയോഗിക്കാനുള്ള സാഹചര്യങ്ങളെ പരമാവധി ഒഴിവാക്കുന്ന ഒരു വ്യക്തിയെന്ന നിലയില്‍ പൊന്നപ്പന്‍ ചേട്ടന്റെ കമന്റുകള്‍ എന്നെ തെല്ലും പ്രകോപിപ്പിക്കുകയോ നിരാശപ്പെടുത്തുകയോ ചെയ്തില്ല എന്ന്‌ തുറന്നു പറയട്ടെ. (ഇത്തരം ഒരു 'കെട്ടഴിച്ചുള്ള' പറച്ചില്‍ ഒഴിവാക്കാന്‍ വേണ്ടിത്തന്നെയാണ്‌ ആ പഴയ പോസ്റ്റ്‌ ഞാന്‍ ഉപേക്ഷിച്ചത്‌) എന്റെ ക്ഷോഭം 'നിഷ്‌കൃഷ്ട ബുദ്ധി'കളായ ചിലര്‍ക്ക്‌ മറ്റുചില 'ഇംഗിതങ്ങളായി' തോന്നിയപ്പോള്‍, ബ്ലോഗുകളില്‍ ഇട്യ്ക്ക്‌ വെട്ടുക്കിളിയാക്രമണം പോലെ കണാറുള്ള ചിലതരം 'മനോരോഗങ്ങളെ' ഒഴിഞ്ഞുപോകുന്നതാണ്‌ നല്ലതെന്ന്‌ നിശ്ചയിച്ചതാണ്‌. ചര്‍ച്ചയില്‍ ഉന്നയിക്കപ്പെടുന്ന വിഷയത്തിനോ അതിന്റെ അനുകൂലമോ എതിരോ ആയിട്ടുള്ള ന്യായീകരണത്തിനോ സാധ്യത തീരെ കുറവുള്ളതും, പാലിക്കേണ്ടുന്ന കടമ്പകള്‍ കടന്നുള്ള ആക്രമണങ്ങളും സഭ്യേതരമായിവ്യാഖ്യാനിക്കവുന്ന സൂചനകളും ഒരിക്കലും ആരോഗ്യകരമായ ചര്‍ച്ചയിലേക്ക്‌ നയിക്കില്ലെന്ന്‌ എനിക്ക്‌ ബോധ്യമുണ്ട്‌.

അപ്പോള്‍പ്പിന്നേ... പതിനാലാം നൂറ്റാണ്ടിലെ ചുവര്‍ചിത്രകലയില്‍ കെ. സി. എസ്‌. പണിക്കരുടെ പങ്കിനെക്കുറിച്ചോ, ഇരുപത്തഞ്ചു വര്‍ഷത്തിനുശേഷം സംഭവിക്കാവുന്ന കാര്യങ്ങളെക്കുറിച്ചോ ഒക്കെ എഴുതി കീബോര്‍ഡിനോട്‌ പരാതി പറയാമെന്ന്‌ കരുതി അത്രയേ ഉള്ളൂ. അല്ലാതെ, എന്റെ സങ്കല്‍പ്പത്തിലേക്ക്‌ അല്ലെങ്കില്‍ ധാരണകളിലേക്ക്‌ ആരെയും കെണിവെച്ച്‌ വീഴ്ത്താനുള്ള ശ്രമമല്ല. അതൊരിക്കലും നടക്കാത്ത കാര്യമാണെന്ന്‌ ഒരു ധ്രുവത്തിലും പെടാത്ത എനിക്ക്‌ നന്നായിട്ടറിയാം.

എന്റെ കുറെ കവിതകളും കുറിപ്പുകളുമൊക്കെ ഒരു തൂലികാനാമത്തില്‍ ചില പത്ര-വാരികകളില്‍ പ്രത്യക്ഷപ്പെടാറുള്ളതിനെക്കാള്‍ ത്രില്ലിലായിരുന്നു ഞാന്‍ ഈ ബ്ലോഗ്‌ തുറന്നത്‌. ഇപ്പോള്‍ അത്‌ വേണ്ടിയിരുന്നില്ല എന്ന്‌ തോന്നുന്നു. ചിലപ്പോള്‍ ഒരു അപക്വമായ മനസ്സിന്റെ തോന്നലാവാം. ക്ഷമിക്കുക.

നിത്യ said...

ചിത്രകാരന്റെ വിശാലവീക്ഷണത്തിനും തിരുത്താനുള്ള ശ്രമത്തിനും നന്ദി. എന്റെ സംശയമിതാണ്‌. 'ലൈംഗികത, സ്ത്രീപക്ഷം, സംസ്കാരം, സദാചാരം, വ്യഭിചരം' ഇങ്ങനെയുള്ള വിഷയങ്ങള്‍ ചര്‍ച്ചയ്ക്കെടുക്കുമ്പോള്‍ ഒരു പരിധികഴിഞ്ഞാല്‍ ഈ ചര്‍ച്ചയ്ക്ക്‌ ഇറങ്ങിപ്പുറപ്പെട്ട വ്യക്തി 'ഒരു പറ്റിയ പീസ്‌' ആണെന്ന ധാരണ വെളിവാക്കുംവിധം ചിലര്‍ ഇ-മെയിലുകള്‍ അയക്കുന്നത്‌ എന്തുകൊണ്ടാണ്‌? എന്റെ പരിമിതമായ ഇംഗ്ലീഷ്‌ പരിജ്ഞാനത്തിന്റെ പരിധിയില്‍ വരാത്ത 'മനശ്ശാസ്ത്ര' പദങ്ങളുപയോഗിച്ച്‌ വേദനിപ്പിക്കുന്നത്‌...! കമന്റുകളുടെ കൂട്ടത്തില്‍ പറയാനാവാത്തത്‌ ഒളിച്ചും പതുങ്ങിയും പറയുക. ഇപ്പോഴാണ്‌ സദാചാരത്തിന്റെ പേറ്റന്റ്‌ എന്ന സംജ്ഞ എനിക്ക്‌ പിടികിട്ടിയത്‌. ഇത്തരക്കാരാണ്‌ യത്ഥാര്‍ഥ.....

സുല്‍ | Sul said...

എല്ലാവരും ഒരുപോലെചിന്തിക്കില്ലല്ലോ നിത്യ. “ഇങ്ങനെയുള്ള വിഷയങ്ങള്‍ ചര്‍ച്ചയ്ക്കെടുക്കുമ്പോള്‍ ഒരു പരിധികഴിഞ്ഞാല്‍ ഈ ചര്‍ച്ചയ്ക്ക്‌ ഇറങ്ങിപ്പുറപ്പെട്ട വ്യക്തി 'ഒരു പറ്റിയ പീസ്‌' ആണെന്ന ധാരണ വെളിവാക്കുംവിധം ചിലര്‍ ഇ-മെയിലുകള്‍ അയക്കുന്നത്‌ എന്തുകൊണ്ടാണ്‌? “ എന്നു നിത്യതന്നെ പറയുന്നുണ്ടല്ലൊ. ഇത്തരം മനുഷ്യരും ഭൂമിയില്‍ ജീവിച്ചിരിക്കുന്നു എന്നു നിത്യക്കറിയാം. ഇതു ബ്ലോഗില്‍ മാത്രമല്ല എല്ലായിടത്തും ദൃശ്യമാണ്.

ചര്‍ച്ചയാണ് ഇവിടെ ഉദ്ദ്യേശിച്ചതെങ്കില്‍ ചര്‍ചയില്‍ പെടാത്ത കാര്യങ്ങളെ അരിച്ചു കളയാന്‍ കമെന്റിന് അപ്പ്രുവല്‍ കൊടുക്കാതിരുന്നാല്‍ പോരെ. അതല്ലെ ഒരു ചര്‍ച നയിക്കുന്നവന്റെ പ്ലസ് പോയിന്റ് ആവേണ്ടത്. തിരഞ്ഞെടുത്ത വിഷയത്തിലേക്ക് ചര്‍ച്ചയെ നയിക്കുകയെന്നത് താങ്കളുടെ കര്‍ത്തവ്യമാണ്.

"'വ്യഭിചാര ദേശസാല്‍ക്കരണ നിയമം പ്രാബല്യത്തില്‍'" ഇത്തരം കേട്ടുകേള്‍വിപോലുമില്ലാത്ത കാര്യങ്ങള്‍ പറയുമ്പോള്‍ പ്രത്യേകിച്ചും.

-സുല്‍

നിത്യ said...

വളയമില്ലാതെ മാത്രമേ ചാടൂ എന്ന നിര്‍ബ്ബന്ധമുള്ളവര്‍ക്കും നമ്മള്‍ ഒരു 'അസംബന്ധ' വസ്തുവായി മിണ്ടാതെ നിന്ന്‌ ചര്‍ച്ച നയിക്കണമെന്നാണോ? ഇനി ഇത്തരം അപ്രിയസാഹസങ്ങള്‍ക്ക്‌ മുതിരാത്തതാണ്‌ കൂട്ടത്തില്‍ മര്യാദയുടെ മാര്‍ഗ്ഗമെന്ന്‌ കണ്ടെത്താന്‍ അധികം തലയൊന്നും വേണ്ട സുല്‍.

പിന്നെ, താങ്കളുടെ ചിന്തയ്ക്കും സങ്കല്‍പ്പത്തിനും എത്രയോ അപ്പുറമുള്ള സംഭവങ്ങളാല്‍ ഈ കാലം പുഴുത്തുപോകുമെന്നത്‌ ഒരു ശാപമല്ല, സാധ്യതയായി ഞാന്‍ കരുതുന്നു. നാളെ നമ്മള്‍ അങ്ങനെയൊരു ലോകത്തെയാണ്‌ നേരിടാന്‍ പോകുന്നത്‌. അപ്പോള്‍ 'അപ്രസ്തുതപ്രശംസയോ സസന്തേഹമോ ഒക്കെയായി സുല്‍ തന്നെ ചിലപ്പോള്‍ കവിത എഴുതിയേക്കും!

chithrakaran:ചിത്രകാരന്‍ said...

നിത്യ കണിക്കുന്ന ധൈര്യമായിരിക്കാം വിലകുറഞ്ഞ കടന്നാക്രമങ്ങളുടെ കാരണം .പൊതുവെ ഭീരുക്കളായ എല്ലാ കടന്നാക്രമണക്കാരേയും മറുപടിനല്‍കി മാനസാന്തരപ്പെടുത്താന്‍ ആര്‍ക്കുമാകില്ല. തറമനസുള്ളവര്‍ അധികരിച്ചതുകൊണ്ടാണല്ലൊ നിത്യക്ക്‌ ധാര്‍മികരോക്ഷമുണ്ടാകുന്നത്‌. അവരോട്‌ നന്ദി പറയുക. അവരുടെ ഇമെയില്‍ ആവശ്യമെങ്കില്‍ ദിലിറ്റുക. കമ്പ്യൂട്ടറിനു മുന്നിലെ ബ്ലോഗുലോകം ഒരു പട്ടം പറത്താന്‍ മാത്രമെ കൊള്ളു. ജീവിക്കാന്‍ നമ്മുടെ പിന്നില്‍ പ്രപഞ്ചം തന്നെ തുറന്നു കിടക്കുകയല്ലെ.(ചിത്രകാരന്റെ നിരീക്ഷണങ്ങള്‍)

നിത്യ said...

ഉചിതജ്ഞതയുള്ള ഈ വാക്കുകള്‍ക്ക്‌ നന്ദി ചിത്രകാരാ. മുന്നിലെ അര്‍ഥശൂന്യതയില്‍നിന്ന്‌ കാല്‍പ്പാദമുറച്ചിട്ടുള്ള പിന്നരങ്ങിലേക്ക്‌, ജീവിതത്തിലേക്ക്‌ പോകുന്നതാവും നല്ലതെന്ന്‌ തോന്നുന്നു. എന്നാലും കാഴ്ചകളിലെ ഇരുളും വെളിച്ചവുമായി കണ്ണുകള്‍ കലഹിക്കുമ്പോള്‍... ഓടിയൊളിക്കാനും പറ്റുന്നില്ല. അതുകൊണ്ടാണ്‌ 'സറ്റയറിക്‌' ആയിട്ടുള്ള താന്തോന്നിത്തങ്ങള്‍ കുറിക്കുന്നത്‌. ഒരാള്‍ തിരിച്ചറിഞ്ഞാല്‍ അത്രയ്ക്കായി! അതുമതി. പ്രായോഗികതാവദത്തിന്‌ അപ്പോള്‍ പ്രസക്തിയുണ്ടാവില്ല...

Anonymous said...

ഇതു വരെ നിത്യ അതു കരഞ്ഞു തീര്‍ത്ത് കഴിഞ്ഞില്ലേ?
യേത്?

Siji said...

നിത്യക്കുട്ടി,
പുറമകക്കുള്ളിലില്‍രുന്ന് കടന്നാക്രമിക്കുന്നവരെ തള്ളിക്കളയണംട്ടോ.അതുകൊണ്ട്‌ എഴുതേണ്ടകാര്യങ്ങള്‍ എഴുതാതിരിക്കരുത്‌.'ക്യാരക്ടര്‍ അസാസിനേഷന്‍' എന്നൊരു വാക്ക്‌ മോള്‍ കേട്ടിട്ടുണ്ടോ.ചില ചര്‍ച്ചകള്‍ നയിക്കുമ്പോള്‍ ജയിക്കുവാന്‍ വേണ്ടി എതിര്‍വശത്തുനിന്ന് ചര്‍ച്ചനടത്തുന്നവര്‍ അവസാനമായി എഴുതിയയാളുടെ വ്യക്തിപരമായ കാര്യങ്ങളെ പറ്റി നാലുവര്‍ത്തമാനം പറഞ്ഞുകൊണ്ട്‌ പിന്മ്മാറും. സ്ത്രീകളുടെ കാര്യത്തില്‍ ഇത്‌ പലപ്പോഴും എവിടേയും കാണാം.ഒന്നുകില്‍ 'അവളെഴുതിയതെന്തായാലും അവളുടെ സ്വഭാവം എങ്ങിനെയാ' 'അവളെങ്ങിനെയാണ്‌ ജീവിക്കുന്നതെന്നുനിനക്കറിയൊ?' അവളുടെ വീട്ടിലെ പട്ടിയുടെ ജീവിതം എന്താന്നറിയൊ? ആ നായിന്റെമോളെ വെറുതെവിട്ടാല്‍ പറ്റില്ല എന്നൊക്കെ എഴുതിയയാളെ എങ്ങിനെയെങ്കിലും കൊഞ്ഞനം കുത്തുന്ന രണ്ട്‌ വരികള്‍ എഴുതിയില്ലെങ്കില്‍ അപ്പുറത്ത്‌ നില്‍ക്കുന്നവര്‍ക്ക്‌ സമാധാനം കിട്ടില്ല.
നിത്യക്കുകിട്ടിയ ഇ മെയിലുകള്‍ അങ്ങിനെ എഴുതുന്ന വരുടെ കുറഞ്ഞ മാനസ്സിക നിലവാരത്തെയോര്‍ത്ത്‌ തള്ളിക്കളഞ്ഞ്‌ അത്‌ തമാശയായെടുത്ത്‌ വീണ്ടും എഴുത്ത്‌ തുടരുക.ബ്ലോഗിങ്ങൊന്നും നിറുത്തിപ്പോകല്ലെ..ചുണക്കുട്ടികള്‍ അങ്ങിനെ തളരരുത്‌.

നാറാണത്ത് said...

എനിക്കു ചിരി വന്നിട്ടു വയ്യായേ.
ഇവിടെ ബുദ്ധിജീവിയും ഉഭയജീവിയും ഒക്കെ നിറയേ ഉണ്ടെന്നു പറയുന്നു. ചിത്രകാരന്റെ അപര നാമമ്മാണു നിത്യ എന്നു എഴുത്തിന്റെ ശൈലി നോക്കിയിട്ടും ഒരുത്തനും മനസ്സിലായില്ലേ? കഷ്ടം!

chithrakaran:ചിത്രകാരന്‍ said...

ബൂലോകം ഇപ്പോള്‍ വഴിപോക്കരുടെയും, തെണ്ടികളുടെയും, കുറച്ചു പൊങ്ങച്ച തവളകളുടെയും(പൊട്ടക്കിണറിലെ) മാത്രം സ്വന്തം നാടാണ്‌. വളരെ ഉയരത്തില്‍ അപൂര്‍വമായി പറക്കുന്ന പരുന്തുകളില്‍ മാത്രമാണ്‌ ചിത്രകാരന്റെ പ്രതീക്ഷ.(രാജ്യദ്രോഹക്കുറ്റം ചുമത്തി ചിത്രകാരനെ ബൂലോകത്തെ തുറുങ്കിലടക്കുകയോ, നാടുകടത്തുകയോ ചെയ്യാനിടയുണ്ട്‌).

എം.കെ.നംബിയാര്‍ said...

വോട്ടു ബാങ്കുകളെ ലാക്കക്കിയുള്ള ഇത്തരം ബില്ലുകള്‍ പ്രശംസനീയമോ?പ്രഹസനമോ...?
എംകെനംബിയാര്‍

Radheyan said...

ഞാനും ദേവേട്ടനുമടക്കമുള്ളവര്‍ ഉന്നയിച്ച ചില മൌലികപ്രശ്നങ്ങള്‍ക്കുള്ള മറുപടിയാണ് നിത്യയുടെ ഈ ഹരാക്കിരി എന്ന് കരുതുന്നു.

ഹോമോ സെക്സുകള്‍ക്ക് നിയമപ്രാബല്യം വരുത്താന്‍ പല യൂറോപ്യന്‍ രാജ്യങ്ങളും നിയമങ്ങള്‍ പാസാക്കുന്ന കാലമാണ് ഇത്. അപ്പോള്‍ 25 വര്‍ഷങ്ങള്‍ക്കും ശേഷം മാത്രമേ വ്യഭിചാരത്തെ ഭാരതം അംഗീകരിക്കൂ എന്നത് കഷ്ടം തന്നെ അല്ലേ നിത്യേ.

അത്തരമൊരു നിയമം വന്നാല്‍ ഒരു നിത്യ മാത്രമേ അഴിക്കുള്ളിലാക്കൂ(മനോരോഗാശുപത്രിയുടെ),പക്ഷേ കാമഭ്രാന്തിനാല്‍ ചുട്ടുപൊള്ളുന്ന ഒരു സമൂഹത്തിനു വലിയ ആശ്വാസമായിരിക്കും.

eenjaan said...

അവതരണം കൊള്ളാം..കാലിക പ്രാധാന്യമുള്ള വിഷയവും...

'പെണ്ണെഴുത്ത്‌' എന്ന കള്ളിയില്‍ സ്വയം തളച്ചിടില്ല എന്നു വിശ്വസിയ്ക്കുന്നു കാരണം ചൂഷിതര്‍ സ്ത്രീകള്‍ മാത്രമല്ല...ചൂഷകര്‍ പുരുഷന്മാരും...

കുഞ്ഞൂട്ടന്‍ said...

നിത്യേ....

പോസ്റ്റ്‌ വായിച്ചൂ... ഇരുട്ടത്തു കതകടച്ചിരുന്ന്‌ കൊഞ്ഞനം കുത്തുക എന്നൊരു നാട്ടു പ്രയോഗമുണ്ട്‌... സത്യത്തില്‍ അതാണ്‌ ഓര്‍മ്മവന്നത്‌. അതിനെ പിണ്‍താങ്ങാന്‍ ചിലരും. ന്യായമാകട്ടെ "ബൂലോകം ഇപ്പോള്‍ വഴിപോക്കരുടെയും, തെണ്ടികളുടെയും, കുറച്ചു പൊങ്ങച്ച തവളകളുടെയും(പൊട്ടക്കിണറിലെ) മാത്രം സ്വന്തം നാടാണ്‌".

ഹേ ചിത്രകാരാ....
ഈ മറുനാട്ടില്‍ മാതൃഭാഷയുടെ മാധുര്യം അനുഭവിക്കാന്‍ വേണ്ടി ക്ലബ്ബില്‍ എത്താറുള്ള മലയാളികലെ അടച്ചാക്ഷേപിക്കാന്‍ താങ്കള്‍ക്ക്‌ എന്തധികാരം? അതോ ക്ലബ്ബിലെ എല്ലവരും താങ്കള്‍ പറഞ്ഞതുപോലെയാണെന്നു താങ്കള്‍ക്ക്‌ ഉറപ്പാണോ?ഉറപ്പില്ലെങ്കില്‍ ഇങ്ങനെ ഒരു പ്രസ്താവന നടത്തിയ താങ്കളെ എന്തു പേരു നല്‍കി വിളിക്കണം? അങ്ങനെ എന്തെങ്കിലും വിളിച്ചാല്‍ നമ്മല്‍ തമ്മില്‍ ഒരു വ്യത്യാസവും ഇല്ലാതായി പോകും എന്നതിനാല്‍ സുഹൃത്തേ തങ്കള്‍ക്ക്‌ എല്ലാ നന്മകളും നേരുന്നതിനൊപ്പം ഇനിയെങ്കിലും ഇത്തരം പ്രസ്താവനകള്‍ നടത്തുന്നതിനു മുമ്പ്‌ ഒരു വട്ടം കൂടി ആലോചിക്കണം എന്നു അപേക്ഷിക്കുന്നു.

നിത്യേ....

താങ്കള്‍ക്ക്‌ ചില മോശം അനുഭവങ്ങള്‍ ഉണ്ടായി എന്നു മനസ്സിലാക്കുന്നു. പക്ഷേ അതിനോട്‌ പ്രതികരിക്കേണ്ടുന്ന രീതി ഇതായിരുന്നോ എന്ന്‌ ആലോചിച്ചു നോക്കുന്നതു നന്നായിരിക്കും.
ഈ പൊസ്റ്റ്‌ കൊണ്ടു താങ്കള്‍ എന്താണ്‌ ഉദ്ദേശിക്കുന്നത്‌ എന്നു മനസ്സിലാക്കത്തക്ക ബൗദ്ധിക നിലവാരം ഇല്ലാത്തതു കൊണ്ടാണോ എന്നറിയില്ല, എനിക്ക്‌ നിത്യ ചെയ്തത്‌ മലര്‍ന്നു കിടന്നു തുപ്പുന്നതായേ തോന്നിയുള്ളൂ.സമൂഹത്തില്‍ പല തരത്തിലുള്ള ആളുകല്‍ കാണും, എല്ലവരും നമ്മളോട്‌ നന്നായി പെരുമാറണം എന്നു ശഠിക്കുന്നത്‌ അല്ലെങ്കില്‍ പെരുമാറണം എന്നു ആഗ്രഹിക്കുന്നത്‌
മഠയത്തരമാണെന്നു പറഞ്ഞാല്‍ വിരോധം തോന്നരുത്‌. നമുക്ക്‌ ഇഷ്ടമല്ലാത്തവരെ അവഗണിക്കുക എന്നതു പോലെയല്ല അവരുടെ നിലവാരത്തിലെക്കു ഇറങ്ങി ചെന്നു പ്രതികരിക്കുന്നത്‌.നടന്നു പോകുമ്പോള്‍ ഒരു പട്ടി കുരച്ചാല്‍ നിത്യ തിരിച്ചു നിന്ന്‌ കുരക്കുമോ? നിത്യയുടെ സാമൂഹ്യ അവബോധം അല്‍പം കൂട്ടണം എന്നു പറഞ്ഞാല്‍ ആവശ്യമില്ലാത്ത കാര്യത്തില്‍ ഇടപെടുകയാണ്‌ എന്നു തോന്നരുത്‌. ഒരു സുഹൃത്തിന്‍റെ അഭിപ്രായമാണെന്നു കരുതിയാല്‍ മതി.' സ്വന്തം മാതാപിതാക്കളുള്ള ഒരു അനാഥ 'എന്ന സ്വയം പരിചയപ്പെടുത്തല്‍ ഒന്നു മാറ്റിക്കൂടെ നിത്യേ.അതു കണ്ടാല്‍ അവര്‍ക്കുണ്ടാവുന്ന വിഷമത്തെ പറ്റി ചിന്തിച്ചു നോക്കിയിട്ടുണ്ടോ? നമ്മള്‍ ഒറ്റക്കിരിക്കുമ്പോള്‍ നമ്മളും നമ്മുടെ പ്രശ്നങ്ങളും ആണ്‌ എല്ലാം എന്നു തോന്നും, അതിനാണ്‌ നമുക്ക്‌ മാതാപിതാക്കളും സുഹൃത്തുക്കളും എല്ലാവരും. ചിലപ്പോള്‍ പരിഹാരം നിര്‍ദ്ദേശിക്കാനായില്ലെങ്കിലും നല്ലൊരു ശ്രോതാവാവാന്‍ അവര്‍ക്കു കഴിയും.
ഞാന്‍ പറഞ്ഞതെല്ലാം അതേ അര്‍ഥത്തില്‍ തന്നെ എടുക്കും എന്നു കരുതുന്നു.ഞാന്‍ അതിരു കവിഞ്ഞ സ്വാതന്ത്ര്യം എടുത്തു എങ്കില്‍ മാപ്പ്‌.

Siji said...

നിത്യയെഴുതിയ ലേഖനത്തെ ഞാന്‍ ഒരിക്കലും പിന്താങ്ങിയിട്ടില്ല.അതിനോടെനിക്കു യോജിപ്പുമില്ല.വരുന്ന ഈ മെയിലുകളെ എങ്ങി നെ
കൈകാര്യം ചെയ്യണമെന്ന് എഴുതിയെന്നു മാത്രം.ഇതെഴുതിയതിന്റെ പേരില്‍ ബ്ലോഗിംഗ്‌ നിര്‍ത്തണം എന്ന് പോലും ശങ്കിക്കുന്നതായി നിത്യ പറയുന്നതുകേട്ടു.അതിനോട്‌ ഒന്നു പ്രതികരിച്ചെന്നു മാത്രം.
ലേഖനത്തെ പറ്റി പഠിച്ചെഴുതാന്‍ പറ്റാത്തതില്‍ ക്ഷമിക്കുക.

chithrakaran:ചിത്രകാരന്‍ said...

ബഹുമാന്യനായ കുഞ്ഞൂട്ട, അന്യ ദേശങ്ങളില്‍ ജോലിചെയ്യുന്ന മലയാളികള്‍ക്ക്‌ ബൂലോകം നല്ലൊരു വേദിയാണ്‌. കേരളത്തെ ഊട്ടിപ്പോറ്റുന്ന പ്രവാസികളോട്‌ ചിത്രകാരന്‌ ക്രിതജ്ഞതയുണ്ട്‌. ബൂലോകം അവര്‍ നല്ലനിലയില്‍ ഉപയോഗിക്കുന്നതായും കാണുന്നു.
ചിത്രകാരന്‍ അവരെ ആരെയും അലോസരപ്പെടുത്താറുമില്ല.എന്നാല്‍ ബൂലോകത്ത്‌ എതെങ്കിലും വിഭാഗത്തിനു മാത്രമായി സംവരണംചെയ്യണമെന്ന കുഞ്ഞൂട്ടന്റെ ചിന്താഗതിക്ക്‌ വീതിവളരെ കുറവാണെന്നുപറയട്ടെ. അത്‌ താങ്കളുടെ ഇഷ്ടം... തുടരുകയോ തുടരാതിരിക്കുകയോ ചെയ്യാം....

ചിത്രകാരന്‍ ബൂലോഗത്തെ അഭിപ്രായസ്വാതന്ത്ര്യം ആഘോഷിക്കുകയാണ്‌. പൊങ്ങച്ചമാണ്‌ പ്രപഞ്ച സത്യമെന്നു പറഞ്ഞ്‌ കണ്ണടച്ച്‌ ഇരുട്ടാക്കുന്നവര്‍ക്ക്‌ ചിത്രകാരന്‍ അലോസരമുണ്ടാക്കുന്നുണ്ടെന്നത്‌ നേരാണ്‌.
ബൂലോകം യഥാര്‍ത്ഥ ലോകത്തിന്റെ ഒരു പത്പ്പായി വളരട്ടെ. അതില്‍ പണ്ഡിതരും ,പാമരരും,മനുക്ഷ്യരും,കവികളും,ആണ്‍-പെണ്‍ വേശ്യകളും,പഞ്ചാരടിക്കാരും,പൂവാലന്മാരും,തെണ്ടികളും,ഭിക്ഷക്കാരും ,രാഷ്ട്രീയക്കാരും..... എല്ലാം വേണം കുഞ്ഞൂട്ട.
കുറച്ചു ചൊറിമാന്തികളുടെ ക്ലബായോ, പൂവാലന്മാരുടെ മൂത്രപ്പുരയായോ ബൂലോകത്തെ ചെറുതാക്കല്ലെ പ്രമാണിമാരെ !!

കൃഷ്‌ | krish said...

ഇന്നലെയും ഇന്നും പോസ്റ്റുകള്‍ കാര്യമായിട്ട്‌ നോക്കാന്‍ സമയം കിട്ടിയില്ല.. ഈ പോസ്റ്റും അതിലെ കമന്റുകളും വായിച്ചു. 'നാറാണത്ത്‌' പറഞ്ഞതിനോട്‌ പൂര്‍ണ്ണമായിട്ടും വിയോജിക്കാന്‍ കഴിയുന്നില്ല.. ശൈലി കണ്ടിട്ട്‌, ചിലപ്പോള്‍ എന്റെ തോന്നലാകാം. അല്ലേ.. (എങ്കില്‍ ക്ഷമിക്കുക)
എന്തായാലും ബൂലോഗത്ത്‌ 'വിവാദവിഷയങ്ങള്‍ക്ക്‌' ഒരു കുറവുമുണ്ടാകില്ലെന്ന്‌ സമാധാനിക്കാം.

കൃഷ്‌ | krish

വിന്‍സ് said...
This comment has been removed by the author.
വിന്‍സ് said...
This comment has been removed by the author.
വിന്‍സ് said...
This comment has been removed by the author.
വിന്‍സ് said...

എനിക്കു നിത്യയുടെ ബോള്‍ഡ്നസ്സ് വളരെ ഇഷ്ട്ടം ആ‍ണു. എങ്കിലും ചോദിച്ചോട്ടോ...... എന്താ ശെരിക്കുള്ള പ്രശ്നം? എന്തെങ്കിലും ചീത്ത എക്സ്പീരിയന്‍സ് ഇന്‍ ദ പാസ്റ്റ്? ഫെമിനിസം സ്വല്പം കൂടുതല്‍ ആണല്ലൊ?? അച്ചനും അമ്മയും ഉള്ള അനാഥ എന്ന് എഴുതിയതിനു എന്താ കാരണം? അവര്‍ കാര്യമായി ശ്രെദ്ധിച്ചില്ലെ തന്റെ ചെറുപ്പത്തില്‍?? താങ്കളുടെ എഴുത്തു ഉഗ്രന്‍ ആണു. നിറുത്തരുത്.

chithrakaran:ചിത്രകാരന്‍ said...

നാറാണത്തിന്‌ ബൂലോക ഭ്രാന്താണെന്നു തോന്നി.. എന്നാല്‍ ഈ കൃഷിന്‌ എന്തുപറ്റി ??
ചിത്രകാരന്റെ അവതാരമൊന്നുമല്ല നിത്യ. സത്യം പറയാന്‍ നട്ടെല്ലുള്ളവര്‍ക്ക്‌ എന്തിനാണ്‌ കൃഷ്‌ ഒരു പൊയ്‌മുഖം ??

കൃഷ്‌ | krish said...

ചിത്രകാരാ.. എഴുത്തിന്റെ ശൈലിയുടെ കാര്യം ഒരാള്‍ പറഞ്ഞപ്പോള്‍ (പൂര്‍ണ്ണമായി വിയോജിക്കുന്നതിന്‌) ഒരു ചെറിയ സംശയം പറഞ്ഞെന്നേയുള്ളൂ.. ഞാന്‍ പറഞ്ഞിരുന്നില്ലേ.. എന്റെ തോന്നലാകാം.. എങ്കില്‍ ക്ഷമിക്കൂന്ന്..
വിട്ടുകള.. ആശാനേ..
(താങ്കള്‍ പറഞ്ഞപോലെ സത്യം പറയുന്നവര്‍ക്ക്‌ എന്തിനാ പൊയ്മുഖം..)

കൃഷ്‌ | krish

sandoz said...

ഇന്നലെ ഫോട്ടോ ക്ലബ്ബില്‍ ഒരു കോളു കിട്ടി.അത്‌ കൊണ്ട്‌ രാത്രി ഷിഫ്റ്റ്‌ ജോലിയുള്ള ഞങ്ങളെ പോലുള്ളവര്‍ക്ക്‌ നേരം പോക്കായി.ഇന്നത്തെ രാത്രി ഇവിടെ ചിലവഴിക്കാന്‍ പറ്റുമോ.....കഷ്ടം

കുഞ്ഞൂട്ടന്‍ said...

ക്ഷമിക്കണം, രണ്ട്‌ ദിവസം സ്ഥലത്തില്ലായിരുന്നു. അതാണ്‌ മറുപടി താമസിച്ചത്‌.
ചിത്രകാരാ.. ബൂലോഗം ഒരു വിഭാഗത്തിനു സംവരണം ചെയ്യണമെന്ന്‌ കുഞ്ഞൂട്ടന്‍ ആവശ്യപെട്ടിട്ടില്ല.
കുഞ്ഞൂട്ടന്‍റെ എതു വാക്കുകളിലാണ്‌ അങ്ങനെ ഒരു ധ്വനി ഉണ്ടായിരുന്നത്‌ എന്നു വ്യക്ത്മാക്കിയിരുന്നെങ്കില്‍ മേലില്‍ എങ്കിലും ശ്രദ്ധിക്കാമായിരുന്നു. "ബൂലോകം ഇപ്പോള്‍ വഴിപോക്കരുടെയും, തെണ്ടികളുടെയും, കുറച്ചു പൊങ്ങച്ച തവളകളുടെയും(പൊട്ടക്കിണറിലെ) മാത്രം സ്വന്തം നാടാണ്‌" എന്നു പറഞ്ഞതിനോടാണ്‌ ഞാന്‍ പ്രതികരിച്ചത്‌.ഇവിടെ അത്തരത്തില്‍ പെട്ടവര്‍ മാത്രമാണ്‌ ഉള്ളത്‌ എന്നു പറഞ്ഞാല്‍ സമ്മതിച്ചു തരാന്‍ ബുദ്ധിമുട്ടാണ്‌.ചിത്രകാരന്‍ ബൂലോഗത്തെ അഭിപ്രായസ്വാതന്ത്ര്യം ആഘോഷിക്കുകയാണ്‌ എന്നു പറയുമ്പോള്‍, വീടിന്‌ അകത്തിരുന്നു കതകും തുറന്നിട്ട്‌ വഴിയേ പോകുന്നവരെ തുണി പൊക്കി കാണിക്കുന്നത്‌ തെമ്മാടിത്തരമല്ല മറിച്ച്‌ സ്വന്തം വീടിനകത്ത്‌ എന്തും ചെയ്യാനുള്ള സ്വാതന്ത്ര്യത്തിന്‍റെ ആഘോഷമാണ്‌ എന്നു പറയുന്നതു പോലെ തോന്നുന്നു.

നിത്യ said...

തീര്‍ത്തും പ്രതീക്ഷിക്കാതെ താഴത്തെ നിലയിലെ 'കഫെ'ക്കാരുടെ രണ്ട്‌ യൂണിറ്റുകള്‍ ഷോര്‍ട്‌ സര്‍ക്യൂട്ട്‌ കാരണം തകരാറായി. അവരുടെ സമാന്തരബന്ധത്തിലായിരുന്ന ഞങ്ങളുടെ 'പീസി'യും ഒരു ദിവസത്തേക്കെന്നു പറഞ്ഞ്‌ വയറുകളെല്ലാം അഴിചുവെച്ചിട്ട്‌ അഞ്ചു ദിവസമായി. അറ്റകുറ്റപ്പണികള്‍ കഴിഞ്ഞിട്ടും നെറ്റ്‌വര്‍ക്‌ ശരിയാവാന്‍ പിന്നെയും വൈകി. ആകെ പ്രശ്‌നങ്ങളാല്‍ കുഴഞ്ഞ 'ദേശസാല്‍ക്കരണ'ശ്രമങ്ങള്‍ അതോടെ ആകെ തകരാറിലായി. ഇന്ന്‌ രാവിലെയാണ്‌ ബന്ധം ഏറെക്കുറെ സാധാരണനിലയിലായത്‌. ഇനി അഭിപ്രായങ്ങള്‍ ഒരോന്നായി വായിക്കാം.---------

----- സിജിയേച്ചി.. ഒരു പെണ്ണെന്നനിലയിലെങ്കിലും മോറല്‍ സപ്പോര്‍ട്ടിന്‌ നന്ദി. ഞാന്‍ അത്ര ദുര്‍ബ്ബലയൊന്നുമല്ല. ചില 'വാചകക്കസര്‍ത്തുകള്‍' കേട്ട്‌ ഒന്ന്‌ വിരണ്ടു എന്നത്‌ ശരിയാണ്‌. ചേച്ചിയുടെ ഈ ഓര്‍മ്മിപ്പിക്കല്‍ എന്നെ അല്‍പംകൂടി ഉണര്‍ത്തിയെന്ന്‌ പറയാതെ വയ്യ.

നാറാണത്ത്‌ ഭ്രാന്തന്‍ എന്ന ഐതിഹ്യം അറിയുന്നവര്‍ക്ക്‌ അതേ പേരിലുള്ള അങ്ങോരുടെ പരിഹാസം ചിരിക്കാനുള്ള വകയാണ്‌. ഞാന്‍ ഒരു പെണ്ണല്ലെന്നും ഏതോ ചിത്രകാരന്റെ അപരനാമമാണെന്നുമുള്ള ആ ശാസ്ത്രീയമായ കണ്ടെത്തല്‍ ഈ വര്‍ഷത്തെ 'നോ വെല്‍' പ്രൈസിന്‌ പരിഗണിക്കേണ്ടതാണ്‌. 'ധീരമായ എല്ലാ അഭിപ്രായങ്ങളും പുരുഷന്മാരുടെ കുത്തകയണ്‌' എന്നാണോ ശ്രീമന്‍ നാറാണത്ത്‌ ഈ കാലഘട്ടത്തിലും വിശ്വസിക്കുന്നത്‌? എങ്കില്‍ ആ പേരൊന്ന്‌ മാറ്റുക. പാവം സത്യാന്വേഷിയായ ഭ്രാന്തനെങ്കിലും രക്ഷപ്പെട്ടുകൊള്ളട്ടെ!

രാധേയന്‍, ദേവന്‍ തുടങ്ങിയ സീരിയസ്‌ ബ്ലോഗര്‍മാരോട്‌ കയര്‍ക്കാനോ എതിര്‍ക്കാനോ തക്ക അറിവും വിവേകവും എനിക്കില്ലാത്തതുകൊണ്ട്‌ അവരുമായി ഇപ്പോള്‍ മുട്ടുന്നില്ല. പ്രത്യേകിച്ചും ചന്ത്രക്കാരന്റെ ബ്ലോഗില്‍ നടക്കുന്ന 'രാഷ്ട്രീയ ചര്‍ച്ച'യില്‍ നിന്ന്‌ കുറെയൊക്കെ പഠിച്ചതിനാല്‍ അവരുടെ വീക്ഷണവും വിശാലചിന്തയും ഞാന്‍ തിരിച്ചറിയുന്നു. എന്നാല്‍ "കാമഭ്രാന്തിനാല്‍ ചുട്ടുപോള്ളുന്ന ഒരു സമൂഹം" ഏത്‌ കുമാര്‍ഗ്‌ഗവും സ്വീകരിച്ച്‌ ശാന്തരാവണ്‍ പ്രേരിപ്പിക്കുന്ന അര്‍ഥത്തിലുള്ള ബഹുമാന്യനായ രാധേയന്റെ നിലപാട്‌ വളരെ ഇടുങ്ങിയതല്ലേ എന്നൊരു ചോദ്യം എനിക്കുണ്ട്‌. പാശ്ചാത്യ രാജ്യങ്ങള്‍ ചെയ്യുന്നതെല്ലാം ശരിയാണെന്നും, അവരുടെ ചിന്തകള്‍ എക്കാലത്തും ശരിയാവണമെന്നുമുള്ള ഒരു അന്ധവിശ്വാസം അതിനുള്ളില്‍ ഒളിച്ചിരിപ്പില്ലേ എന്നതാണ്‌ സംശയം. രാഷ്ട്രീയ വിഷയങ്ങളില്‍ അദ്ദേഹം പുലര്‍ത്തുന്ന യുക്തിഭദ്രത ഇവിടെയെത്തുമ്പോള്‍ അല്‍പ്പം ബാലിശമാവുന്നു എന്ന്‌ എനിക്ക്‌ തോന്നുന്നു. ഇനി അദ്ദേഹത്തിന്റെ ചിന്തയാണ്‌ ശരിയെന്ന്‌ ബോധ്യംവന്നാല്‍ തിരുത്താനും മടിയില്ല.

കുഞ്ഞൂട്ടന്റെ നിലപാടുകളില്‍ ചിലവയോട്‌ യോജിക്കുന്നതില്‍ പ്രയാസമില്ല. പക്ഷേ 'സാമൂഹ്യ അവബോധം' എന്നത്‌ ചില കാര്യങ്ങള്‍ തുറന്നു പറയുന്നവരുടെ വായടയ്ക്കുന്ന മാന്ത്രികവിദ്യയാണൊ എന്ന്‌ താങ്കള്‍ പറയണം. അതിനായി 'തറാ' നിലവാരത്തിലൂല്ല 'പദസമ്പത്തും ലിംഗവിവേചനപരമായ' സംജ്ഞകളും ഉപയോഗിക്കുന്നത്‌ പുരുഷസ്വാതന്ത്ര്യത്തില്‍ ഉള്‍പ്പെട്ട അവകാശമാണോ എന്നും താങ്കള്‍ വിശദീകരിക്കണം.

ആദിവാസി ജാനുവിന്റെ അല്ലെങ്കില്‍ മയിലമ്മയുടെയോ അഭിപ്രായങ്ങള്‍ക്ക്‌ രണ്ടാം പരിഗണനയും, രജീനയുടെയോ ശോഭാജോണിന്റെയോ വാക്കുകള്‍ക്ക്‌ മുന്തിയ പരിഗണനയും വരുന്നത്‌ എന്തുകൊണ്ടാണ്‌? ഏതോ ഒരു 'സിംപ്റ്റം' നമ്മുടെ വിശ്വസങ്ങളായി രക്തത്തിലൂടെ സഞ്ചരിക്കുന്നുണ്ടോ എന്നും എനിക്ക്‌ സംശയമുണ്ട്‌. ചിലപ്പോള്‍ ശരിയല്ലായിരിക്കാം!

എന്റെ മാതാപിതാക്കള്‍ക്ക്‌ അറിയാത്ത അധികം രഹസ്യമൊന്നും എനിക്കില്ല. 'അവര്‍ തമ്മിലുള്ള ഈഗോ ക്ലാഷ്‌ ഞാന്‍ തന്നെയാണ്‌ അവരെ ബോധ്യപ്പെടുത്താറുള്ളത്‌. അച്ഛന്‌ സുസമ്മതമായ 'ചിട്ടി പലിശ' രാഷ്ട്രതന്ത്രവും, അമ്മയ്ക്ക്‌ പലതരത്തിലും പാരമ്പര്യവുമായ 'മനോവിഭ്രാന്തിയും' അനുഭവിക്കുന്ന ഞാന്‍ അവരെ ഒളിച്ചല്ല ഇതൊന്നും ചെയുന്നത്‌. ഇതൊക്കെ വായിക്കാന്‍ എപ്പോഴെങ്കിലും അവര്‍ക്ക്‌ തോന്നിയാല്‍ ഞാന്‍ ചിലപ്പോല്‍ വിജയിച്ചേക്കും. ഒരു ഷോക്‌ക്‍ട്രീട്‌മന്റ്‌ തന്നെയാണ്‌ ഞാന്‍ ആഗ്രഹിക്കുന്നത്‌. എന്തായലും, താങ്കള്‍ പരഞ്ഞ നിര്‍ദ്ദേശം (അനാഥയെന്ന ക്യാപ്ഷന്‍) ഞാന്‍ ഒഴിവാക്കാം. എന്നെസംബന്ധിച്ച മറ്റുകാര്യങ്ങള്‍ മട്ടൊരു പോസ്റ്റില്‍ ഇടാം. അപ്പോള്‍ സംശയങ്ങള്‍ കുറയും.

കൃഷേട്ടന്‌ ഇങ്ങനെയൊരു സംശയം തോന്നിയത്‌ അല്‍ഭുതം തന്നെ. ഞാന്‍ 'മാറ്റൊലി'യാണെന്ന സംശയം. ഈ 'ശയ്‌ലി' കണ്ടിട്ട്‌ ചിത്രകാരന്റേതിനോട്‌ സാമ്യം തോന്നിയത്‌ എനിക്ക്‌ വിശ്വസിക്കാനാവുന്നില്ല. വിഷയങ്ങളെ ഏറെക്കുറെ നല്ല ബുദ്ധിയോടെ സമീപിക്കാറുള്ള കൃഷേട്ടനും ഈ ബഹളത്തില്‍ വീണുപോയോ? കഷ്ടം!


വിന്‍സ്‌, എന്റെ ചെറുപ്പത്തില്‍ മാത്രമല്ല ഒരിക്കലും എന്നെ, ഞാന്‍ എന്ന ജീവിയെ, വ്യക്തിയെ അവര്‍ അംഗീകരിച്ചില്ല. അവര്‍ക്ക്‌ തര്‍ക്കിക്കാനുള്ള വെറുമൊരു 'പാവ'യായിരുന്നു ഞാന്‍. എന്നുവച്ച്‌ ഞാന്‍ ഒരു 'അസയ്‌ലത്തി'ലല്ല സ്വയം എന്നെ വളര്‍ത്തിയത്‌. എന്റെ ഇത്തരം എഴുത്ത്‌ നിര്‍ത്തുമെങ്കില്‍ അത്‌ ഒരു സംഭവമായിട്ടേ നടക്കുകയുള്ളു വിന്‍സ്‌.

എന്റെ കമന്റ്‌ ഏരിയ അര്‍ഥശൂന്യമായ വ്യക്ത്യാക്ഷേപങ്ങളുടെ തര്‍ക്കവേദിയായി മാറരുതെന്ന്‌ ആഗ്രഹമുണ്ട്‌. പ്ലീസ്‌.. പരസ്പരമുള്ള അതിരുവിട്ടുള്ള ആക്ഷേപങ്ങള്‍ നിങ്ങള്‍ തമ്മിലുള്ള മല്‍സരമായല്ല പ്രതിഫലിക്കുക. ചിത്രരകാരനും നാറാണത്തും അല്‍പം സ്വയം നിയന്ത്രിക്കുമെങ്കില്‍ നന്നായിരുന്നു. നിങ്ങളെപ്പോലെയുള്ളവരും കുട്ടികളും ഉള്‍പ്പെടെ വൈവിധ്യമുള്ള ഒരു സമൂഹം 'തെറിമാതൃകകളുള്‍പ്പെടെ' ഇതൊക്കെ വായിക്കുന്നുണ്ടെന്ന്‌ മറക്കരുത്‌.

നമ്മുടെ വിഷയം വഴിതെറ്റി ദാ ഇവിടെ വീണുപോയത്‌ ആരും കണ്ടില്ലെന്നോ? കാല്‍നൂറ്റാണ്ടിനുള്ളില്‍ ഇന്‍ഡ്യയില്‍ ഇങ്ങനെ സംഭവിക്കില്ലെന്ന്‌ എന്താണുറപ്പ്‌. അത്‌ ഏതുതരത്തിലാവുമെന്ന്‌ അല്‍പ്പം 'രാഷ്ട്രീയ കുബുദ്ധി'യോടെ ചിന്തിച്ചുപോയപ്പോള്‍ ഉണ്ടായതാണ്‌ ഈ പോസ്റ്റ്‌.

ഇതിനിടയില്‍ ചിത്രകാരന്‍ ചില കാര്യങ്ങള്‍ പറയാനായി ശ്രമിച്ചതിനെ ചിലര്‍ തെറ്റിദ്ധരിച്ചതില്‍ എനിക്ക്‌ ലജ്ജയുണ്ട്‌. ഞാന്‍ മുഖാന്തിരം താങ്കളുടെ വ്യക്തിത്വത്തിന്‌ എന്തെങ്കിലും ആക്ഷേപം തോന്നിയിട്ടുണ്ടെങ്കില്‍ അതിനൊക്കെ ക്ഷമ ചോദിക്കുന്നു.

ഈ വാതില്‍ അടയ്ക്കാറായോ എന്നറിയില്ല.

chithrakaran:ചിത്രകാരന്‍ said...

നിത്യക്കെന്തുപറ്റി ? എന്ന് ചിത്രകാരനും ചിന്തിച്ചിരുന്നു. ഷൊര്‍ട്‌ സര്‍ക്യൂട്ട്‌ പ്രശ്നമല്ലെ, സാരമില്ല. വാതിലവിടെ തുറന്നു കിടക്കട്ടെ.. പുതിയ ചിന്തകളുടെ പൊസ്റ്റുണ്ടാകട്ടെ.

Radheyan said...

നിത്യ ആണാണോ പെണ്ണാണോ എത്ര വയസുള്ള ആളാണെന്നോ എനിക്കറിയില്ല.ഇത്തരമൊരു വിഷയം കൈകാര്യം ചെയ്യുന്ന രീതിയല്‍ കുറച്ച് കുട്ടിത്തം ഉണ്ടെന്ന് തോന്നുന്നു.കയ്യടക്കം വേണ്ട വിഷയമാണ് ലൈംഗികത.(അത് കൈകാര്യം ചെയ്യുന്ന കയ്യടക്കം എന്തെന്ന് അറിയണമെങ്കില്‍ മാധവികുട്ടിയുടെ കഥയോ ഭരതന്റെ സിനിമയോ കണ്ട് നോക്കുക).

നിത്യയും ഒരു സീരിയസ് ബ്ലോഗറാണെന്നു കരുതിയാണ് കമന്റിട്ടത്.ഇപ്പോഴും അങ്ങനെ കരുതുന്നു.അല്ലാതെ ഇത്തരം വിഷയങ്ങള്‍ കൈകാര്യം ചെയ്യുമ്പോള്‍ ചിലര്‍ക്ക് കിട്ടുന്ന നിര്‍വൃതി ആവില്ല കുട്ടിയെ പോലുള്ള ഒരു സന്മാര്‍ഗാരാധികയെ ഇതിന് പ്രേരിപ്പിച്ചത് എന്നും ഞാന്‍ മനസ്സിലാക്കുന്നു.

1.എന്റെ കമന്റുകള്‍ പാശ്ചാത്യരീതകളുടെ ന്യായീകരണമല്ല.നിത്യ പറഞ്ഞ നിയമത്തെ സ്തോഭത്തോടെ നേരിടെണ്ട കാര്യമില്ല എന്നു പറഞ്ഞു എന്നു മാത്രം.
2.വ്യഭിചാരം 2 പേര്‍ മാത്രം ആവശ്യമുള്ള ഒരു സംഭവമാ‍ണ്.സുഖം വില്‍ക്കാന്‍ തയ്യാറായ ഒരാള്‍ അത് വേണ്ട ഒരാള്‍ക്ക് അത് വില്‍ക്കുന്നു.ഇതില്‍ എവിടെയാണ് കുത്സിതം?ഞാന്‍ പറയുന്ന സംഭവത്തില്‍ mutual agreement(ഉഭയ സമ്മതം)പ്രകാരമുള്ള രതി മാത്രമേ ഉള്‍പ്പെടൂ.ബാലപീഡനം,സ്മൂഹപീഡനം,ബലാത്സംഗം തുടങ്ങിയവ ഉള്‍പ്പെടില്ല.അംഗീകൃതമായ രതിവിപണനം ഉണ്ടെങ്കില്‍ നിരവധി ബാലപീഡനങ്ങള്‍ ഒഴിവായേനേ,നിരവധി ബലാല്‍ക്കാരങ്ങള്‍ ഒഴിവായേനേ.2 വയസ്സുള്ള ഒരു പെണ്‍കുട്ടിയുടെ പിതാവ് എന്ന രീതിയില്‍ എന്റെ ആകുലതകളെ കാണാന്‍ അപേക്ഷ.
സ്ത്രീ സമ്പര്‍ക്കമില്ലാത്ത നിരവധി പുരുഷന്മാര്‍ തിങ്ങി പാര്‍ക്കുന്ന ഒരു വന്‍ നഗരത്തിന്റെ ഹൃദയത്തില്‍ ഇരുന്നാണ് ഞാനിതെഴുതുന്നത്.കൊത്തിവലിക്കുന്ന കണ്ണുകളെ പേടിച്ച് മാത്രമാണ് ഞാനെന്റെ പെണ്‍കുട്ടികളെ പര്‍ദ്ദ ധരിപ്പിക്കുന്നത് എന്ന് ഒരമ്മ എന്നോട് പറഞ്ഞിട്ടധികകാലമായില്ല.

കുഞ്ഞൂട്ടന്‍ said...

നിത്യേ...
'സാമൂഹ്യ അവബോധം' എന്നത്‌ ചില കാര്യങ്ങള്‍ തുറന്നു പറയുന്നവരുടെ വായടയ്ക്കുന്ന മാന്ത്രികവിദ്യ ആകരുത്‌ എന്ന അഭിപ്രായക്കാരനാണ്‌ ഞാന്‍.സമൂഹത്തിലെ നല്ലതും ചീത്തയും തിരിച്ചറിഞ്ഞ്‌, സമൂഹത്തെ അങ്കീകരിച്ച്‌, സമൂഹത്തിന്‍റെ ഒരു ഭാഗമായി സമൂഹത്തില്‍ ജീവിക്കാന്‍ വെണ്ടുന്ന ഒരു പക്വത... അതാണ്‌ ഞാന്‍ ഉദ്ദേശിച്ചത്‌.നിത്യയുടെ സംസാരം കേട്ടിട്ട്‌ ഒരു
കാല്‍പനിക ലോകത്തിരുന്ന്‌ സമൂഹത്തെ നോക്കി കാണുന്ന ഒരു കുട്ടിയുടെ സംസാരം പോലെ തോന്നിപ്പോയി.'തറാ' നിലവാരത്തിലൂല്ല 'പദസമ്പത്തും ലിംഗവിവേചനപരമായ' സംജ്ഞകളും ഉപയോഗിക്കുന്നത്‌ പുരുഷസ്വാതന്ത്ര്യമാണെന്ന്‌ ഞാന്‍
പറഞ്ഞില്ലല്ലോ നിത്യേ. സ്വാതന്ത്ര്യം പുരുഷനും സ്ത്രീക്കും വെവ്വേറെയല്ല എന്ന പക്ഷക്കരനാണ്‌ ഞാന്‍. ഒരു വ്യക്തി എന്തു ചെയ്യണം ചെയ്യേണ്ട എന്നു തീരുമാനിക്കുന്നത്‌ അയാളുടെ വ്യക്തിത്വം അനുസരിച്ചാണ്‌ എന്നാണ്‌ ഞാന്‍
മനസ്സിലാക്കിയിരിക്കുന്നത്‌.സ്ത്രീ അബലയാണ്‌ എന്നു കരുതുന്ന ഒരു വിഡ്ഢിയായി എന്നെ കാണരുത്‌ എന്ന്‌ അപേക്ഷിക്കുന്നു. ഒരു സ്ത്രീക്ക്‌ ഒരു കുടുംബം എത്ര മനോഹരമാക്കാം എന്നും പ്രതിസന്ഥികളെ എത്ര നന്നായി തരണം ചെയ്യാനാകുമെന്നും
മറ്റാരേക്കാളും നന്നായി എനിക്കറിയാം.എന്‍റെ അമ്മയുടെ ജീവിതം അതിനുള്ള ഏറ്റവും നല്ല ഉദാഹരണമായി ഞാന്‍ കാണുന്നു.പിന്നെ അച്ഛനും അമ്മയും തമ്മിലുള്ള ഈഗോ ക്ലാഷ്‌ അവരെ ബോധ്യപ്പെടുത്തുന്നത്‌ വളരെ നല്ല കാര്യമാണ്‌, പക്ഷെ
അതു പോലെയാണോ നിത്യേ അതു വിളിച്ച്‌ കൂവി നാട്ടുകാരെ മുഴുവന്‍ അറിയിക്കുന്നത്‌. വീട്ടിനകത്തെ സ്വരച്ചേര്‍ച്ചക്കുറവു അവിടെത്തന്നെ ഒതുക്കിത്തീര്‍ക്കുകയല്ലെ അതിന്‍റെ ഭംഗി.കൂടുമ്പോള്‍ ഇമ്പം ഉള്ളതല്ലേ കുടുമ്പം.അവിടെ കുറ്റപ്പെടുത്തലുകള്‍
ഒഴുവാക്കി പരസ്പരം എല്ലാം സംസാരിച്ച്‌ തീര്‍ക്കുന്നതല്ലേ നല്ലത്‌.ചിന്തിച്ച്‌ നോക്കുന്നത്‌ നന്നയിരിക്കും എന്നാണ്‌ എന്‍റെ
അഭിപ്രായം. ഞാന്‍ ഒരു അഭിപ്രായം പറഞ്ഞതാണ്‌ കേട്ടോ.. ഇനി കുടുമ്പകാര്യങ്ങളില്‍ ഇടപെട്ടു എന്നു മുഷിച്ചില്‍ വിചാരിക്കരുത്‌.

ആര്‍ട്ടിസ്റ്റ്‌ said...

sorry for disturbance. this is not an ad.,only a test to pinmozhi.kindly remove this after u read.
പ്രിയ ബ്ലോഗ്ഗ്‌ വായനക്കാരെ,
ബൂലൊകത്തെ വിഭാഗീയ പ്രവര്‍ത്തനങ്ങളുടെ ചുക്കാന്‍ പിടിക്കുന്ന ചിലരുടെ ശ്രമഫലമായി ചിത്രകാരന്റെ ബ്ലൊഗിലെ കമന്റുകളൊന്നും പിന്മൊഴികളില്‍ തെളിയുന്നില്ല.
സുഖിപ്പിക്കല്‍ ഗ്രൂപ്പ്‌ പ്രവര്‍ത്തകരുടെ ബാലിശമായ ഈ നിലപാട്‌ അവരുടെ ഇടുങ്ങിയമനസിന്‌ ആശ്വാസം നല്‍കട്ടെ എന്നാശിക്കാം.മലയാള ബ്ലൊഗ്‌ ലോകത്തെ ഒരു നേഴ്സറി സ്കൂളിന്റെ വലിപ്പാത്തിനപ്പുറം (ബ്ലൊഗ്‌ അംഗസംഖ്യയില്‍)വികസിക്കാന്‍ അനുവദിക്കാത്ത ചില ബാലമനസുകളുടെ ഈ വിക്രിയയെ മലയാള ബ്ലൊഗ്‌ കുത്തകവല്‍ക്കരണ ശ്രമമായി തന്നെ കാണെണ്ടിയിരിക്കുന്നു. നിലവിലുള്ള നന്മനിറഞ്ഞ മലയാളം ബ്ലൊഗ്‌ വഴികാട്ടികള്‍ക്കു പുറമെ ഭാവിയില്‍ ഇനിയും നല്ല സാങ്കേതിക പരിജ്ഞാനമുള്ളവരും സഹിഷ്ണുതയുള്ളവരുമായ മനുഷ്യര്‍ മുന്നൊട്ടു വരാന്‍ ഇത്തരം ഗ്രൂപ്‌ കുതന്ത്രങ്ങള്‍ക്ക്‌ കഴിയട്ടെ !!!!!യൂണിക്കൊട്‌ മലയാളം കെരളത്തിലെ ഇന്റര്‍നെറ്റ്‌ കഫെകളിലൂടെ വ്യാപകമാക്കുന്നതിലൂടെ മലയാളബൂലൊകത്തിന്‌ "പ സു"ക്കളുടെ തൊഴുത്തില്‍നിന്നും മോചനം ലഭിക്കുന്ന തരത്തില്‍ ഒരു വികാസം ഉണ്ടാകുമെന്ന് ഉറപ്പാണ്‌. ഇപ്പൊള്‍ കഫെകളില്‍ അശ്ലീലത്തില്‍ മുങ്ങിത്തഴുന്ന കുട്ടികള്‍ക്ക്‌ ആകര്‍ഷകവും ക്രിയാത്മകവുമായ ഒരു ലൊകം പകരം നല്‍കാനും ഇതിലൂടെ സാധിക്കും.

http://chithrakaran.blogspot.com

Biby Cletus said...

Nice post, its a really cool blog that you have here, keep up the good work, will be back.

Warm Regards

Biby Cletus - Blog

Phillip Martin said...

this is the best post ive read til now on this blog..

Assignment Help | Thesis Help | Essay

a said...

Our Statistics homework help service provides statistics assignment help, statistics dissertation, math homework help and online tutoring to students with very low fees.Statistics homework help
Assignment Help has online solution for students problem like mathematics, physics, chemistry, statistics, accounting, computer science in Australia. Assignment Help Australia

lesterg said...

If I need essay help, I used to get help from my qualified English writers! My essays will be edited and proofread for spelling and grammatical mistakes from the experts for a very word and sentences, To find out more information , just visit writepass.co.uk/services/essays

essay help said...

Hi guys, if you need essay help and you're in UK, i can recommend you check our essay help from writepass.

assignment help said...

Great article! this is very informative and useful to me.

---------------------
assignment_help

alex james said...

Hi,
This is really a great stuff for sharing. Keep it up .Thanks for sharing.

assignment help
assignment help australia

william doe said...

I’m really impressed with your article, such great information you mentioned here.
Assignment Help UK
Assignment Writing Help UK

alexa jeam said...

hello!! Very interesting discussion glad that I came across such informative post. Keep up the good work friend. Glad to be part of your net community.
Best advertising Agency in the world | advertising agencies in Lahore | advertising agencies in Karachi

john arnold said...

I’m really impressed with your article, such great & usefull knowledge you mentioned here
Dissertation Guidance
Dissertation Writing Tips

Assignment Helper said...

I want to say about this article, uummm this is amazing and nice post. My Homework Help

finance2222 said...

Thats Good to be hearing here Thanks For More Helpful Tips Financial Accounting Homework

Electromagnetic Hub said...

Thanks for Nice and Informative Post. This article is really contains lot more information about This Topic. Electromagnetic Research

John Martin said...

I hope everyone like this information they shared as I do. Really great information. Tomatoes Information

Java Assignment Provider said...

I am pretty sure about this information you shared because its really helpful for everyone. Java Programming Help

Assignments Provider said...

Great Information,it has lot for stuff which is informative.I will share the post with my friends. Key Elements Sociology Homework

Assignments Provider said...

Great Information,it has lot for stuff which is informative.I will share the post with my friends. Key Elements Sociology Homework

Stats Key said...

Financial ratio Stats Homework, assignment and Project Help, Financial ratio Financial ratio analysis must go beyond the actual calculation and interpretation of ratios.
financial ratio homework help

Addy Addison said...

This post has helped me for an article which I am writing. Thank you for giving me another point of view on this topic. Now I can easily complete my article.
Henkel: Building a Winning Culture (B) Case Solution

Locations of visitors to this page